მაია ცქიტიშვილი- ამ ეტაპზე არ გვყავს მოსახლეობა, რომელიც სრულიად არის მოწყვეტილი გარესამყაროს

ამ ეტაპზე გადაადგილების პრობლემა არ იქმნება და არ გვყავს მოსახლეობა, რომელიც სრულიად არის მოწყვეტილი გარესამყაროს, - ამის შესახებ რეგიონული განვითარებისა და ინფრასტრუქტურის მინისტრმა, მაია ცქიტიშვილმა სოფელ ჭუბერში არსებული ვითარების კომენტირებისას განაცხადა.

მისივე თქმით, სპეციალისტები ცდილობენ მდინარე ნენსკრაზე ხიდის კონსტრუქციის დასადგმელად შესაბამისი ადგილი იპოვონ.

მინისტრის ინფორმაციით, სამინისტროს სპეციალისტები, მეგზევეები, უწყების ხელმძღვანელები ადგილზე გუშინდელი დღიდან იმყოფებიან.

“გუშინვე დავათვალიერთ და მივიღეთ ზომები, რომ შეგვენარჩუნებინა გზის ის ნაწილები, რომლებსაც ემუქრებოდა კიდევ უფრო გამორეცხვის საფრთხე. დღეს მოვახერხეთ, რომ გადაგვერჩინა ერთი მონაკვეთი, რომელსაც საფრთხე ემუქრებოდა. წაღებულია 6 ხიდი, თუმცა ამ ეტაპზე ხიდების აღდგენის სამუშაოებს ჩვენ ვერ ვიწყებთ, პროექტირება უკვე მიმდინარეობს. ჩვენ გვაქვს დროებითი ხიდის კონსტრუქცია, რომლისთვისაც ადგილის შერჩევა მიმდინარეობს. ვხედავთ, რომ ძალიან განიერი კალაპოტია და მარტივი არ არის ხიდის კონსტრუქციის დამონტაჟება ისე, რომ მასაც წაღების საფრთხე არ დაემუქროს. ამ ეტაპზე ხიდების პრობლემა არ გვაქვს, ანუ გადაადგილების პრობლემა არ იქმნება, ასევე არ გვყავს მოსახლეობა, რომელიც სრულიად არის მოწყვეტილი გარესამყაროს. ევაკუირებული მოსახლეობის სახლებიდან მიმდინარეობს მათი ნივთების გამოტანა. ამ ეტაპზე, პირველ რიგში, ჩვენ ვაკეთებთ პრევენციას, რათა არ დავკარგოთ გზის მონაკვეთები, რომლებიც შემდეგ პრობლემას შეგვიქმნის და მოგვიანებით უკვე რა თქმა უნდა, ჩვენ დავიწყებთ სარეაბილიტაციო სამუშაოებს. ტექნიკის პრობლემა არ გვაქვს, უბრალოდ, ამ ეტაპზე არსებული ვითარება მეტი სამუშაოების გაშლის შესაძლებლობას არ გვაძლევს“, - განაცხადა მაია ცქიტიშვილმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
„ვისოლში“, „სმარტში“, „ვენდისსა“ და „დანკინში“ Apple Pay-ის გამოყენებით VISA ბარათებით გადახდისას მომხმარებლებს საჩუქრები ელით
"რომპეტროლის" ნავთობგადამამუშავებელმა ქარხანამ „პეტრომიდიამ“ 40 წლის იუბილე აღნიშნა