ხელვაჩაურის მუნიციპალიტეტში ორთაბათუმის სამედიცინო პუნქტში C ჰეპატიტის მიკროელიმინაცია სკრინინგი ჩატარდა. როგორც „ინტერპრესნიუსს“ ხელვაჩაურის მუნიციპალიტეტის მერიიდან აცნობეს, უფასო გამოკვლევებით სოფელ წინსვლის მოსახლეობამ ისარგებლა. სკრინინგზე პირველადი ჯანდაცვის პერსონალთან ერთად ხელვაჩაურის მერიის ჯანმრთელობისა და სოციალური დაცვის სამსახურის თანამშრომლები იმყოფებოდნენ.
მიკროელიმინაციის მიღწევის მიზნით სკრინინგი C ჰეპატიტზე სსიპ დაავადებათა კონტროლისა და საზოგადოებრივი ჯანმრთელობის ეროვნული ცენტრის ინიციატივითა და ორგანიზებით გაიმართა.
7 ივლისიდან, ადგილობრივ მოსახლეობას C ჰეპატიტზე სკრინინგს ორთაბათუმის სამედიცინო პუნქტში პირველადი ჯანდაცვის პერსონალი ჩაუტარებს.