ხელვაჩაურის მერი სარფში სასმელი წყლის სათავე ნაგებობისა და მაგისტრალის სარეაბილიტაციო სამუშაოებს გაეცნო

ხელვაჩაურის მუნიციპალიტეტის მერი ჯუმბერ ვარდმანიძე მოადგილესთან კახა ფუტკარაძესთან და ინფრასტრუქტურის სამსახურის წარმომადგენლებთან ერთად სოფელ სარფში არსებული სასმელი წყლის სათავე ნაგებობისა და მაგისტრალის სარეაბილიტაციო სამუშაოებს გაეცნო.

როგორც „ინტერპრესნიუსს“ ხელვაჩაურის მუნიციპალიტეტის მერიიდან აცნობეს, შესაბამისი სამსახურის წარმომადგენლებმა ობიექტზე შესრულებული სამუშაოების ხარისხი შეამოწმეს და კომპანიის წარმომადგენელმა გარკვეული კუთხით მითითებებიც მიიღო.

ხელვაჩაურის მუნიციპალიტეტის მერიის ინფორმაციით, პროექტის თანახმად, ამჟამად სამუშაოების მეორე ეტაპი მიმდინარეობს და დღეის მდგომარეობით 102 795 ლარის ღირებულების სამუშაოებია შესრულებული.

სოფელ სარფში არსებულ წყლის სათავე ნაგებობისა და მაგისტრალის სარეაბილიტაციო სამუშაოებს ტენდერში გამარჯვებული შპს „ალსოფი“ აწარმოებს.

პროექტისთვის ადგილობრივი ბიუჯეტიდან 147 141 ლარია გამოყოფილი. სამუშაოები მიმდინარე წლის 15 მარტს დაიწყო 15 ივლისს დასრულდება.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა