მესტიის მუნიციპალიტეტის სოფელ ჭუბერში კვლავ რთული ვითარებაა. საქართველოს სამთავრობო უწყებები 24 საათზე მეტია სტიქიას ებრძვიან. საგანგებო რეჟიმში განაგრობს მუშაობას ჭუბერში შექმნილი საგანგებო შტაბი. ადგილზე რჩებიან პრემიერ-მინისტრი მამუკა ბახტაძე, საგანგებო სიტუაციების მართვის სამსახურის უფროსი გიორგი მღებრიშვილი და სხვა უწყებების ხელმძღვანელები.
მესტიაში სინოპტიკოსები კვლავ წვიმას ელოდებიან. შეინიშნება მდინარე ნენსკრას დონის მატებაც. დატბორილია სახლები, საკარმიდანო ნაკვეთები, მოგლეჯილია ხეები და განადგურებულია ინფრასტრუქტურა, მათ შორის ხიდები.
„ინტერპრესნიუსის“ გადამღები ჯგუფი სტიქიის ზონაში განაგრძობს მუშაობას. გთავაზობთ ახალ ვიდეო და ფოტო მასალას, რომელიც ცოტა ხნის წინაა გადაღებული.