სოფიო კილაძე - შესაბამის სტრუქტურებს მოვუწოდებ, რომ „ნიკორაში“ შრომის უფლებების დარღვევის სავარაუდო ფაქტებს შესაბამისი ყურადღება მიაქციონ

პარლამენტის ადამიანის უფლებათა დაცვის კომიტეტის თავმჯდომარე სოფიო კილაძე შესაბამის სტრუქტურებს მოუწოდებს, რომ კომპანია „ნიკორაში“ შრომის უფლებების სავარაუდო დარღვევის ფაქტზე ყურადღება გაამახვილონ. როგორც კილაძე აცხადებს, „ნიკორას“ თამაშრომლების მხრიდან შრომითი უფლებების დარღვევის თაობაზე პროტესტი არაერთხელ დაფიქსირებულა.

„მოვუწოდებ უფლებამოსილ სტრუქტურებს, რომ „ნიკორაში“ შრომის უფლებების დარღვევის სავარაუდო ფაქტებს შესაბამისი ყურადღება მიაქციონ. სამწუხაროდ, ეს არ არის პირველი შემთხვევა, როდესაც „ნიკორას“ თანამშრომლები შრომის უფლებების დარღვევაზე საჯაროდ პროტესტს აფიქსირებენ.

ვფიქრობ, არა მხოლოდ საჯარო დაწესებულებებმა, არამედ, კერძო კომპანიებმა და მითუმეტეს, ისეთმა წარმატებულებმა ქართულ ბაზარზე, როგორიც „ნიკორაა“, თანამშრომლების უფლებათა დაცვის მაღალი სტანდარტი უნდა უჩვენონ ჩვენს საზოგადოებას.

კმაყოფილი, მოტივირებული თანამშრომელი საწინდარია ბიზნესის წარმატების. ეს გამოცდილება არსებობს განვითარებულ დასავლეთში, რაც უამრავჯერ პრაქტიკით არის დადასტურებული. მონობის ადგილი არ არის თანამედროვე საქართველოში.

ჩვენ გვქონდა კომუნიკაცია „ნიკორას“ თანამშრომლებთან და მაქსიმალურად დავუდგებით მათ გვერდით შესაბამისი სამართლებრივი ნაბიჯების გადადგმაში“, - განაცხადა კილაძემ, რომლის კომენტარს პარლამენტის პრესსამსახური ავრცელებს.

შეგახსენებთ, რომ მედიით გავრცელდა ინფორმაცია, სადაც „ნიკორას“ თანამშრომლები საკუთარი შრომითი უფლებების სავარაუდო დარღვევის ფატებზე საუბრობენ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს