საოკუპაციო ხაზთან, შეიარაღებულმა პირებმა გორის მუნიციპალიტეტის სოფელ ახრისის მკვიდრი, 30 წლის პაატა არაქელოვი დააკავეს. არაქელოვის დაკავება ახრისიდან რამდენიმე სოფლის მოშორებით, არცევის სიახლოვეს მოხდა.
არაქელოვი ცხინვალის მილიციის იზოლატორშია გადაყვანილი. დაკავების შესახებ ოჯახის წევრებმა სწორედ ცხინვალიდან შეიტყვეს.
სოფელში ამბობენ, რომ არაქელოვს შესაძლოა, გზა აებნა და ოკუპირებულ ტერიტორიაზე აღმოჩნდა. აღნიშნული პირი დაკავებული ადრეც იყო.
აღნიშნულ ფაქტთან დაკავშირებით ამოქმედებულია ევროკავშირის სადამკვირვებლო მისიის ცხელი ხაზი და შესაბამის ღონისძიებებში ჩართულია როგორც შს სამინისტრო, ასევე სახელმწიფო უსაფრთხოების სამსახური.