ზუგდიდში აქცია “რუსული ოკუპაცია და საქართველოს ევროპული არჩევანი” გაიმართა

ზუგდიდში კამპანიის “ძალა ევროპაშია” ფარგლებში, აქცია “რუსული ოკუპაცია და საქართველოს ევროპული არჩევანი” გაიმართა. ის “საერთაშორისო გამჭვირვალობა-საქართველოს” სამოქალაქო საბჭოს წევრებისა და სამოქალაქო აქტივისტების ინიციატივით ჩატარდა.

აქციაზე მისულ მოქალაქეებს იმ ფოტომასალის დათვალიერების შესაძლებლობა ჰქონდათ, რომელიც 1801 წლიდან 2008 წლამდე მომხდარ ფაქტებს ასახავს, რაც რუსეთ- საქართველოს ურთიერთობას მოჰყვა. აქციის ერთ-ერთი ორგანიზატორის „საერთაშორისო გამჭვირვალობა - საქართველოს" ზუგდიდის ოფისის ხელმძღვანელის, არჩილ თოდუს თქმით, დღეს ისინი აპროტესტებენ რუსულ ოკუპაციას და მის მხარდამჭერ პოლიტიკას.

„სწორედ ამ თემასთან დაკავშირებით გამოფენილია რუსული ოკუპაციის ამსახველი ფოტო მასალები და ფაქტები. ამ აქციის მიზანია გავაპროტესტოთ რუსული ოკუპაცია და მოქალაქეებს მივაწოდოთ ინფორმაცია თუ რა სარგებლობა მოაქვს ევროპას“, - განაცხადა არჩილ თოდუამ.

აქციას შეუერთდნენ მოქალაქეები, არსამთავრებო ორგანიზაციების, სხავადასხვა პოლიტიკური პარტიებისა და ადგილობრივი ხელისუფლების წარმომადგენლები.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
თათული ზაკალაშვილი - „ჰოთსეილი“ კონცეფციას იცვლის