მამუკა ბახტაძე - ჭუბერში სტიქიის შედეგად დაზიანებულ ინფრასტრუქტურას მოკლე ვადაში აღვადგენთ, გაიცემა კომპენსაციები

პრემიერ-მინისტრის, მამუკა ბახტაძის განცხადებით, ჭუბერში სტიქიის შედეგად დაზიანებულ ინფრასტრუქტურას ხელისუფლება აღადგენს, აღდგება საცხოვრებელი სახლები და გაიცემა კომპენსაციები.

როგორც ბახტაძემ ჭუბერში, სტიქიის შედეგების გაცნობის შემდეგ განაცხადა, თუკი ინჟინრები იტყვიან, რომ რომელიმე სახლი სხვა ადგილას უნდა იქნას გადატანილი, ასეც მოხდება.

“საქართველოში არის ძალიან ბევრი მდინარე, ეს არის ჩვენი სიმდიდრე, მაგრამ ამავე დროს საჭიროა, რომ სწრაფი რეაგირების და ადრე შეტყობინებების სისტემები ყველგან გვქონდეს. 2019 წელს დავიწყებთ ამ პროგრამას და ორ წელიწადში დასრულდება. რთულია, სტიქიურ უბედურებას წინ აღუდგე, მაგრამ მაქსიმალურად უნდა ვიყოთ ფოკუსირებული პრევენციაზე. ჩვენ გავაკეთებთ სრულ კომპენსაციებს, მოკლე ვადაში აღვადგენთ როგორც ინფრასტრუქტურას, ასევე იმ საცხოვრებელ სახლებს, რომლებსაც ზიანი მიადგა. რასაკვირველია, თუ ინჟინრებმა თქვეს, რომ უმჯობესი იქნება რომელიმე სახლის გადატანა, ამასაც გავაკეთებთ“, - განაცხადა მამუკა ბახტაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს