თელავის მუნიციპალიტეტის მერი შოთა ნარეკლიშვილი თელავის მუნიციპალიტეტის მერიის ინფრასტრუქტურის, სივრცითი მოწყობის, მშენებლობის, არქიტექტურისა და ძეგლთა დაცვის სამსახურის მიერ საგზაო-სარემონტო სამუშაოების წარმოების პროცესს ადგილზე გაეცნო.
როგორც „ინტერპრესნიუსს“ თელავის მუნიციპალიტეტიდან აცნობეს, თელავში ალაზნის გამზირზე არსებული, მირიან ცალქალამანიძის სახელობის საჭიდაო დარბაზის ეზოს მოწყობითი სამუშაოები დასრულების ეტაპზეა. დაიგო ასფალტის საფარი, გაკეთდა ბორდიურები, სრულდება პეტრე ბაგრატიონის ქუჩის სრული რეაბილიტაცია - შეიცვალა საკანალიზაციო ქსელი და დაიგო ასფალტის საფარი.
ასევე, თელავის მუნიციპალიტეტის სოფელ კონდოლში სრულდება ასფალტის საფარის ორმოული შეკეთების სამუშაოები.