სტამბოლის სასამართლომ ოპოზიციური გამოცემა „Zaman“-ის ოთხ ჟურნალისტს, ისლამისტი მქადაგებლის ფეთჰულა გიულენის ორგანიზაცია „ფეტოსთან“ კავშირისთვის, სხვადასხვა ვადით, თავისუფლების აღკვეთა მიუსაჯა. ამის შესახებ საინფორმაციო სააგენტო „ანადოლუ“ იუწყება.
ინფორმაციაში აღნიშნულია, რომ ორ ჟურნალისტს 8-8 წლით, დანარჩენ ორს კი 9 და 10,5 წლით თავისუფლების აღკვეთა მიესაჯა. ქვეყნის ხელისუფლებამ გამოცემა გიულენთან კავშირში დაადანაშაულა და 2016 წლის მარტში შიდა მმართველობაზე გადაიყვანა, რის შემდეგაც გაზეთიდან ჟურნალისტთა დიდი ნაწილი გაათავისუფლეს. იმავე წლის ივლისში, ქვეყანაში სამხედრო გადატრიალების მცდელობის შემდეგ, გამოცემა საერთოდ დახურეს, მისი 20 თანამშრომელი კი დააპატიმრეს.