რეგიონული განვითარებისა და ინფრასტრუქტურის მინისტრი მაია ცქიტიშვილი აჭარის მთავრობის თავმჯდომარეობის კანდიდატად თორნიკე რიჟვაძის დასახელებას გამოეხმაურა.
"ჩვენ წარვადგინეთ ახალი კანდიდატი გუშინ. მე მასთან აქტიური შეხების შესაძლებლობა არ მქონია, თუმცა ბატონ თორნიკეს როგორც კარგ მენეჯერს ახასიათებენ. თორნიკე რიჟვაძეს კარგი განათლება აქვს, მას ბიზნეს ადმინისტრირება აქვს დამთავრებული და მისი გამოცდილება მაძლევს იმის თქმის საშუალებას, რომ ძალიან აქტიური ახალგაზრდა ხელმძღვანელი ეყოლება აჭარას",- განაცხადა მაია ცქიტიშვილმა.
გუშინ აჭარის უმაღლეს საბჭოს "ქართული ოცნების" წევრებმა აჭარის მთავრობის კანდიდატად თორნიკე რიჟვაძე დაასახელეს. იგი დღემდე საქართველოს ენერგეტიკის განვითარების ფონდის ხელმძღვანელია.