იაპონიაში წყალდიდობის შედეგად 17 ადამიანი დაიღუპა

იაპონიაში ძლიერი წვიმებით გამოწვეული წყალდიდობის შედეგად 17 ადამიანი დაიღუპა, 50 კი უგზო-უკვლოდ დაკარგულად მიიჩნევა. ამავდროულად კიოდოს პრეფექტურაში 3 700 ადამიანი კომუნიკაციის საშუალებების გარეშე დარჩა.

იაპონიის მთავრობის განცხადებით, თავდაცვის ძალების, პოლიციისა და სახანძრო სამსახურის 48 000 თანამშრომელი დაზარალებულთა გადარჩენის ოპერაციაში მონაწილეობს.

იაპონიის პრემიერ-მინისტრის სინძო აბეს განცხადებით, სიტუაცია ძალიან სერიოზულია.