ქუთაისის მეორე საჯარო სკოლაში ჭერი ჩამოინგრა. სკოლაში სასწავლო პროცესი დასრულებულია და შენობაში ბავშვები არ იმყოფებოდნენ.

სკოლის დირექტორის მურად ჯიშკარიანის ინფორმაციით, შემთხვევის დროს დირექცია სკოლაში იმყოფებოდა. მისივე განცხადებით, უკვე ესაუბრა კომპანიის წარმომადგენელს, რომელმაც სამუშაოები შეასრულა და მოხდება გამომწვევი მიზეზების შესწავლა.

კომპანიის წარმომადგენლის თქმით, სკოლაში სამუშაოები დღესვე დაიწყება.

სკოლაში სარეაბილიტაციო სამუშაოები 2017 წელს ჩატარდა.

კადრები ქუთაისის მეორე საჯარო სკოლიდან, სადაც ჭერი ჩამოინგრა