გურიის გუბერნატორი აზიური ფაროსანას საწინააღმდეგო წამლობის შედეგების შემსწავლელ მონიტორინგის ჯგუფს შეხვდა

გურიის გუბერნატორი მერაბ ჭანუყვაძე დღეს, მონიტორინგის ჯგუფის წევრებს შეხვდა, რომლებიც აზიური ფაროსანას საწინააღმდეგო წამლობის შედეგებს - გარემოსა და ადამიანის ჯანმრთელობაზე მის გავლენას სწავლობენ.

ამ მიზნით, ჯანმრთელობის დაცვისა და გარემოს დაცვის სპეციალისტებისგან დაკომპლექტებული ჯგუფის მიერ, სამეგრელოს რეგიონში აღებული იყო წყლის და ნიადაგის სინჯები. ლაბორატორიული კვლევის შედეგად, პესტიციდების ნაშთები ნორმით დადგენილ ზღვრულ მაჩვენებლს არ აღემატებოდა. ანალოგიური კვლევა ჩატარდება გურიის რეგიონშიც.

მერაბ ჭანუყვაძის განცხადებით, ფაროსანას საწინააღმდეგო ღონისძიებების ჩატარებისას უსაფრთხოების წესების დაცვა მნიშვნელოვანია.

„მავნებლის საწინააღმდეგო ღონისძიებების პარალელურად მნიშვნელოვანია დაცული იყოს ჩვენი მოქალაქეების ჯანმრთელობა, უსაფრთხოების წესები და გარემო. ამ მიზნით ჩვენ აქტიურად ვითანამშრომლებთ სპეციალისტებთან და მუდმივი კომუნიკაცია გვექნება საზოგადოებასთან“, - განაცხადა მერაბ ჭანუყვაძემ.

უსაფრთხოების წესების დაცვის მიზნით, მავნებელთან ბრძოლის საკოორდინაციო შტაბში შექმნილია გზავნილების სისტემა, რომლის მეშვეობითაც დაგეგმილი წამლობის შესახებ ინფორმაცია წინასწარ მიეწოდება ადგილობრივ თვითმმართველ ერთეულებს; აგრეთვე, წამლობის დაწყებამდე მოსახლეობის ინფორმირება ხდება სპეციალიზებული ტექნიკის ხმის გამაძლიერებლებით.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს
Jeep-ის ცენტრში დიდი ფასდაკლების აქცია დაიწყო
შეუდარებელი QLED 8K ტელევიზორი სამსუნგისგან