სერგო რატიანი - როგორც ჩანს, ბიძინა ივანიშვილმა გიორგი კვირიკაშვილის წასვლის შემდეგ კლანის შეცვლა გადაწყვიტა

როგორც ჩანს, ბიძინა ივანიშვილმა გიორგი კვირიკაშვილის წასვლის შემდეგ გადაწყვიტა კლანის შეცვლა, - ამის შესახებ „ევროპული საქართველოს“ ერთ-ერთმა ლიდერმა სერგო რატიანმა აჭარის მთავრობის თავმჯდომარის პოსტზე წარდგენილ თორნიკე რიჟვაძის კანდიდატურის შეფასებისას განაცხადა.

სერგო რატიანის თქმით, კონკრეტული პირების გადაადგილება, პრობლემას ფუნდამენტურად არ ცვლის.

„კლანების შეცვლით ბიძინა ივანიშვილის მართვის სტილი არ შეიცვლება და ის პრობლემური იქნება ამ შემთხვევაშიც. ამ მიმართულებით, კონკრეტული პირების გადაადგილება, ფუნდამენტურად არ ცვლის პრობლემას“, - განაცხადა რატიანმა.

რაც შეეხება პრეზიდენტის ინიციატივას, აჭარის მთავრობის თავმჯდომარეობის კანდიდატთან დაკავშირებით კონსულტაციების გამართვაზე, რატიანის თქმით, ხშირ შემთხვევაში პრეზიდენტის ნაბიჯები არაა თანმიმდევრული.

„რაც შეეხება პრეზიდენტის ქმედებას, კარგი იქნება თუ ეს იქნება ადეკვატური ქმედებები რასაც მოითხოვს კანონი, ოღონდ ამ შემთხვევაში ჩვენ ნამდვილად ვერ ვიმარჩიელებთ, თუ როგორ ნაბიჯებს გადადგამს პრეზიდენტი, რადგან ხშირ შემთხვევაში, ეს ნაბიჯები არ არის თანმიმდევრული“, - განაცხადა რატიანმა.

შეგახსენებთ, რომ გუშინ აჭარის უმაღლეს საბჭოში "ქართული ოცნების" წევრებმა აჭარის მთავრობის კანდიდატად თორნიკე რიჟვაძე დაასახელეს.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 21.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს