თორნიკე რიჟვაძე ახალგაზრდა, ენერგიული, განათლებული ადამიანია, რომელმაც ამ წლების განმავლობაში თავი გამოიჩინა კარგი ხედვითა და მუშაობით, - ამის შესახებ დევნილთა და განსახლების მინისტრმა სოზარ სუბარმა განაცხადა, რომელიც აჭარის მთავრობის თავმჯდომარის პოსტზე თორნიკე რიჟვაძის კანდიდატურის წარდგენას გამოეხმაურა.

„თორნიკე რიჟვაძე ჩვენი გუნდის წევრია, ჩვენ მასთან საკმაოდ ხანგრძლივი ურთიერთობა გვქონდა, როცა ის ენერგეტიკის სამინისტროში მუშაობდა. მე პირადად ვიცნობ მას საკმაოდ კარგად, როგორც ძალიან აქტიურსა და ძალიან განათლებულ ადამიანს. მე იმედი მაქვს, რომ ის არჩეული იქნება აჭარის მთავრობის მეთაურის პოსტზე და მისი მუშაობა იქნება ძალიან წარმატებული“, - განაცხადა სოზარ სუბარმა.