ჭუბერში სტიქიით დაზარალებულ ოჯახებს საკვები პროდუქტი დაურიგეს

მესტიის მუნიციპალიტეტში, ჭუბერში, სტიქიის შედეგად დაზარალებულ მოსახლეობას ფქვილი, საკვები პროდუქტები, პირველადი მოხმარების ნივთები და წყალი დაურიგეს. როგორც „ინტერპრესნიუსს“ სამეგრელო-ზემო სვანეთის რწმუნებულის-გუბერნატორის ადმინისტრაციის პრესსამსახურდან აცნობეს, საგანგებო შტაბს პროდუქტები სხვადასხვა ორგანიზაციებმა მათ შორის ზუგდიდის მერიამ, ენგურჰესმა და ნენსკრა ჰიდრო გადასცეს. სტიქიის ზონაში დაზარალებულებისთვის პროდუქტებს ხვალ სამეგრელოს ყველა მუნიციპალიტეტი გააგზავნის.

უხვი ნალექის შედეგად, სოფელ ჭუბერში მთის ნაწილის ჩამოშლამ მდინარე ნენსკრას ადიდება გამოიწვია. მდინარის კალაპოტიდან გადმოსვლის გამო დაიტბორა მიმდებარე ტერიტორია, რამაც ჩამორეცხა სოფლებს შორის დამაკავშირებელი საავტომობილო გზები.

სტიქიის სალიკვიდაციო სამუშაოებში ჩართულია ყველა შესაბამისი უწყება და სამსახური.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს