ხორავას ქუჩაზე მოზარდების მკვლელობის საქმეზე შექმნილი პარლამენტის დროებითი საგამოძიებო კომისია მუშაობას 11 ივლისს განაახლებს. გუშინ კომისიამ 51-ე სკოლის დირექტორი და მოადგილე და პირველი ექსპერტიმენტული სკოლის დირექტორი გამოკითხა.
საგამოძიებო კომისიის მორიგი სხდომა 11 ივლისს დაინიშნა, რომელზეც საქმეზე ჩატარებული საექსპერტო კვლევების ავტორებს მოუსმენენ. კერძოდ, ექსპერტების გამოკითხვა 11 და 12 ივლისს იგეგმება.
მანამდე კი, კომისიის სამკაციანი ჯგუფები არასრულწლოვნების გამოკითხვას გააგრძელებენ. კერძოდ, 9 და 10 ივლისს კომისიის წევრებს დაგეგმილი აქვთ ინციდენტში მონაწილე არასრულწლოვნების გამოკითხვა.