ზუგდიდის მუნიციპალიტეტის მერიამ, ჭუბერში სტიქიით დაზარალებულ მოსახლეობას საკვები პროდუქტები და სასმელი წყლი გაუგზავნა, - ამის შესახებ „ინტერპრესნიუსს“ ზუგდიდის მუნიციპალიტეტის მერიიდან აცნობეს.
მათივე ინფორმაციით, ჭუბერში, სტიქიის დღიდან ადგილზე ზუგდიდის მუნიციპალიტეტის ადგილობრივი ხელისუფლების წარმომადგენლები იმყოფებიან.
ზუგდიდის მერის ლაშა გოგიას განცხადებით, ზუგდიდის მერია დაზარალებული მოსახლეობის დახმარებას სამომავლოდაც უზრუნველყოფს.
შეგახსენებთ, რომ ჭუბერის ხეობაში სტიქია 5 ივლისიდან მძვინვარებს. ადგილზე მობილიზებულია მძიმე ტექნიკა და ცოცხალი ძალა. განხორციელდა მოსახლეობის ევაკუაცია. კალაპოტიდან გადმოსულმა მდინარემ დაანგრია რამდენიმე საცხოვრებელი სახლი.