საქართველოს განათლებისა და მეცნიერების სამინისტრომ ქუთაისში საგანმანათლებლო რესურსცენტრის უფროსის თანამდებობაზე კონკურსი გამოაცხადა. განცხადებების მიღების ვადა დღეს იწურება.
ამ დროისთვის აღნიშნულ ვაკანსიაზე 12 განაცხადია გაკეთებული. კომისია საბოლოო გადაწყვეტილებას აპლიკაციების წარდგენის ვადის დასრულებიდან არაუგვიანეს 3 თვეში, ღია კენჭისყრის საფუძველზე მიიღებს.
ქუთაისის საგანმანათლებლო რესურსცენტრის უფროსის პოზიცია მას შემდეგ გახდა ვაკანტური, რაც ყოფილი უფროსი ბადრი ვაშაკიძე თანამდებობიდან დარღვევებისთვის გაათავისუფლეს.