იურიდიულ საკითხთა კომიტეტის თავმჯდომარე ეკა ბესელია და იუსტიციის მინისტრის პირველი მოადგილე მიხეილ სარჯველაძე 9-12 ივლისს გაერთიანებულ სამეფოში ვიზიტს გამართავენ.

როგორც „ინტერპრესნიუსს“ საქართველოს პარლამენტიდან აცნობეს, ისინი დიდი ბრიტანეთის პარლამენტში საქართველოს საკითხებზე პარტიათაშორისი საპარლამენტო ჯგუფის ხელმძღვანელს ჯონათან ჯანოგლის და ჯგუფის წევრებს შეხვდებიან და გამართავენ პრეზენტაციას თემაზე „მართლმსაჯულებისა და სამართალდამცავი სისტემის რეფორმა საქართველოში“. შეხვედრა გაერთიანებულ სამეფოში საქართველოს საელჩოს ორგანიზებით გაიმართება.

ვიზიტის ფარგლებში, იურიდიულ საკითხთა კომიტეტის თავმჯდომარე ეკა ბესელია ვესტმინსტერის ფონდის ორგანიზებით დაგეგმილ კონფერენციაში „პოსტსაკანონმდებლო შემოწმება“ მიიღებს მონაწილეობას. ასევე, დაგეგმილია შეხვედრა ვესტმინსტერის დემოკრატიის ფონდის აღმასრულებელ დირექტორთან.