ტაილანდში გამოქვაბულიდან ოთხი მოზარდია ამოყვანილი

ტაილანდის გამოქვაბულში ბლოკირებული 12-დან 4 მოსწავლე მაშველებმა მიწის ზედაპირზე უკვე ამოიყვანეს. მოზარდები ქალაქ ჩიანგრაიას საავადმყოფოში გადაიყვანეს, რომელიც გამოქვაბულიდან 60 კილომეტრში მდებარეობს.

ორი მოსწავლე სასწრაფო დახმარების ავტომანქანებით, ორი კი ვერტმფრენით გადაიყვანეს. სასწრაფო დახმარების ავტომანქანის შეუფერხებლად გასატარებლად ავტომაგისტრალი გადაიკეტა.