ხაიში–ჭუბერის საავტომობილო მონაკვეთზე სამხედრო მანქანები უკვე გამოჩნდნენ

ხაიში–ჭუბერის საავტომობილო მონაკვეთზე უკვე გამოჩნდნენ სამხედრო მანქანები, რომლებიც ტერიტორიაზე დროებით დასადგმელ ხიდს შეიტანენ. ხეობის შესასვლელთან ათამდე სამხედრო ავტომობილი დგას. ადგილზე იმყოფებიან ასევე სამხედრო პოლიციის წარმომადგენლები და სამხედრო ექიმები. სავარაუდოდ, ისინი შესაბამის ბრძანებას ელოდებიან, რის შემდეგაც ხეობაში შევლენ.

ადგილზე ასევე ელოდებიან თავდაცვის სამინისტროს ბალანსზე არსებულ მძიმე ტექნიკას, რომელიც ხეობაში მიმდინარე სამუშაოებში ჩაერთვება. საერთო ჯამში კი ჭუბერის ხეობაში 30 ერთეულამდე ტექნიკას ელოდებიან.

ამ დროისათვის კი უშუალოდ ხეობაში სამუშაოები არ შეჩერებულა. მდინარის კალაპოტის შეცვლის და საგზაო სამუშაოებს რამდენიმე ათეული ტექნიკა ამ დრომდე ახორციელებს. სამხედროების გარდა ჭუბერში მოხალისეებსაც ელოდებიან.

იხილეთ ვიდეო: ხაიში–ჭუბერის საავტომობილო მონაკვეთზე სამხედრო მანქანები უკვე გამოჩნდნენ

ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული პრესის მიმოხილვა 20.08.2019
გავლენის ოპერაციები ანუ „მკვლელობათა ჯაჭვი“