ოთარ კახიძე - საგამოძიებო კომისიის სხდომებმა აჩვენა, რომ გამოძიების პროცესში სახელმწიფო უწყებებს ძალიან სეროზული შეცდომები აქვთ დაშვებული

საგამოძიებო კომისიის სხდომებმა აჩვენა, რომ სახელმწიფო უწყებებს აქვთ ძალიან სეროზული შეცდომები დაშვებული გამოძიების პროცესში, რაც დასკვნაში აისახება, - ამის შესახებ ჟურნალისტებს ხორავას ქუჩაზე მომხდარი მკვლელობის შემსწავლელი საგამოძიებო კომისიის წევრმა, „ევროპული საქართველოს“ წარმომადგენელმა ოთარ კახიძემ განუცხადა.

მისი თქმით, მიმდინარე კვირაში კომისია მუშაობას სამწევრიან ფორმატში გააგრძელებს. „საგამოძიებო კომისია განაგრძობს თვითმხილველების და მოწმეების გამოკითხავს. ამჯერად ჩვენ ვიმუშავებთ სამკაციანი ფორმატის მეშვეობით, რომელიც გულისხმობს არასაჯარო ფორმატში გასაუბრებას. კომისიის ამოცანაა, მაქსიმალური ინფორმაცია აიღოს. მიუხედავად იმისა, რომ დიდი დროა გასული, ყველა საშუალებას ვიყენებთ, მათ შორის ფსიქოლოგებს, რომ არასრულწლოვნებისგან მივიღოთ ის ინფორმაცია, რომელიც მნიშვნელოვანია სიმართლის დასადგენად. ამავე დროს, გასულმა სხდომებმა აჩვენა, რომ სახელმწიფო უწყებებს აქვთ ძალიან სეროზული შეცდომები დაშვებული გამოძიების პროცესში. კომისია ცალკე შეაფასებს, ეს განპირობებული იყო არაპროფესიონალიზმით თუ იკვეთება განზრახ დაფარვის მიზნები. ამ ყველაფერს შევაფასებთ დასკვნაში. ამ ეტაპზე კომისია აგრძელებს მუშაობას. ჩვენ დასაფარი გვქვს არაერთი მიმართულება. იმედი გვაქვს, ეს პროცესი მიგვიყვანს სიმართლემდე და იქამდე, რასაც ჩვენგან საზოგადოება მოელის“, - განაცხადა ოთარ კახიძემ.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა