ვეტერანები ჭუბერში სტიქიის შედეგების სალიკვიდაციო სამუშაოებში მონაწილეობის მიღებას აპირებენ

დასავლეთ საქართველოში მცხოვრებმა ვეტერანებმა მზადყოფნა გამოთქვეს ჭუბერში სტიქიის შედეგების სალიკვიდაციო სამუშაოებში მიიღონ მონაწილეობა.

„ვეტერანების საქმეთა სახელმწიფო სამსახური აცხადებს, რომ დასავლეთ საქართველოში მცხოვრებმა 300 -მდე ვეტერანმა მზადყოფნა გამოთქვა, უწყების ორგანიზებით, მონაწილეობა მიიღოს სვანეთში, კერძოდ, ჭუბერში, მდინარე ნენსკრას ადიდების გამო გამოწვეული სტიქიის შედეგების სალიკვიდაციო სამუშაოებში. ვეტერანები მზად არიან ამ განსაცდელის დროს გვერდით დაუდგნენ ქვეყანას”, - ნათქვამია ვეტერანების საქმეთა სახელმწიფო სამსახურის განცხადებაში.