ნიკარაგუაში საპროტესტო აქციების დროს 14 ადამიანი დაიღუპა. ამის შესახებ ადამიანის უფლებათა ადგილობრივი ცენტრის ხელმძღვანელმა ვილმა ნუნიესმა განაცხადა.

„ეს საშინელებაა. სულ მცირე 14 დაღუპული გვყავს, თუმცა მათი რიცხვი, შესაძლოა, გაიზარდოს. დაღუპულებს შორის სულ მცირე სამი პოლიციელი და ხელისუფლების ერთი შეიარაღებული მომხრეა“, - განაცხადა ნუნიესმა.

ნიკარაგუაში საპროტესტო აქციები 18 აპრილიდან საპენსიო რეფორმის წინააღმდეგ იმართება. ქვეყნის პრეზიდენტმა დანიელ ორტეგამ რეფორმა უკვე გააუქმა, თუმცა მასობრივი გამოსვლები არ წყდება.

უფლებადამცველების ინფორმაციით, საპროტესტო აქციების დროს, აპრილიდან დღემდე 323 ადამიანი გარდაიცვალა.