ინდოეთის ჩრდილოეთში, ჯამუსა და კაშმირის შტატებში შეიარაღებული პირების ჯგუფი ცენტრალური რეზერვის პოლიციის ძალების ბანაკს თავს დაესხა. ამის შესახებ ადგილობრივი ტელეარხი Zee News იუწყება.

მისი ინფორმაციით, შეტაკება ძალოვნებსა და ექსტრემისტებს შორის მას შემდეგ მოხდა, რაც თავდამსხმელებმა პოლიციის ბანაკის ტერიტორიაზე ყუმბარა ისროლეს.

ამჟამად შეტაკების ადგილზე, სადაც, სავარაუდოდ, ექსტრემისტები იმალებიან, სპეცრაზმი სამძებრო ოპერაციას ატარებს.

წინასწარი ინფორმაციით, პოლიციელებს შორის არავინ დაშავებულა.