დიმიტრი ხუნდაძე - არასამთავრობო სექტორის კატეგორიული მოთხოვნა, რომ მთავრობა მათი გემოვნებით დაკომპლექტდეს, სწორი არ არის

საქართველოს ეყოლება მცირე, მაგრამ ეფექტური მთავრობა, - ამის შესახებ ჟურნალისტებს საპარლამენტო უმრავლესობის დეპუტატმა დიმიტრი ხუნდაძემ განუცხადა.

დიმიტრი ხუნდაძე მთავრობის განახლებულ შემადგენლობაზე ჯერჯერობით ვერ საუბრობს, თუმცა ამბობს, რომ პრემიერ-მინისტრი პარლამენტს ისეთი შემადგენლობის მთავრობას წარუდგენს, რომელიც მმართველი გუნდის მხარდაჭერას მიიღებს.

რაც შეეხება კითხვას, მთავრობაში იუსტიციის მინისტრის პოსტზე თეა წულუკიანის დარჩენასთან დაკავშირებით, ხუნდაძის თქმით, „არასამთავრობო სექტორის კატეგორიული მოთხოვნა, რომ მთავრობა მათი გემოვნებით დაკომპლექტდეს, სწორი არ არის“.

„თეა წულუკიანი არის აქტიური მინისტრი, ის არის ჩვენი გუნდის წევრი, იმის მიუხედავად, რომ გარკვეული ხარვეზები იყო. თეა წულუკიანს ნამდვილად ექნება ჩემი ხმა“, - აღნიშნა დიმიტრი ხუნდაძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?