11 ივლისს ბრიუსელში აზერბაიჯანისა და სომხეთის საგარეო საქმეთა მინისტრების შეხვედრა გაიმართება. ამის შესახებ „რია ნოვოსტის“ აზერბაიჯანის საგარეო საქმეთა სამინისტროს ოფიციალურმა წარმომადგენელმა ჰიქმეთ გაჯიევმა განუცხადა.

„აზერბაიჯანის საგარეო საქმეთა მინისტრი ელმარ მამედიაროვი და სომხეთის საგარეო საქმეთა მინისტრი ზოჰრაბ მნაცაკანიანი ეუთო-ს მინსკის ჯგუფის თანათავმჯდომარეების - იგორ პოპოვის, სტეფან ვისკონტისა და ენდრიუ შოფერის შუამავლობით ერთმანეთს 11 ივლისს ბრიუსელში შეხვდებიან. ამ შეხვედრაში მონაწილეობას ეუთო-ს თავმჯდომარის პირადი წარმომადგენელი ანჯეი კასპრჟიკიც მიიღებს“, - განაცხადა გაჯიევმა.

მისივე თქმით, შეხვედრაზე მხარეები მთიანი ყარაბაღის კონფლიქტის დარეგულირების საკითხზე იმსჯელებენ.