აჭარის მთავრობის სახლთან სატვირთო ავტომობილის მძღოლები საპროტესტო აქციას მართავენ. შეკრებილების თქმით, ისინი საერთაშორისო გადაზიდვებს ახორციელებენ და გადაზიდვებს ძირითადად თურქეთში ახდენენ. აქციის მონაწილეები ამბობენ, რომ ორი კვირაა თურქეთის ტერიტორიაზე გადასასვლელად ნებართვას ვერ ღებულობენ.

მძღოლების თქმით, შემოსვალის ერთადერთი წყარო სწორედ ეს არის და თუ მათ მოთხოვნას არ გაითვალისწინებენ, ხვალ, სარფში აქციის გამართავს გეგმავენ.

"ადრე ვიღებდით ერთწლიან ნებართვას, ვიხდიდით 870 ლარს და გადასვლაზე შეზღუდვა არ გვქონდა, ახლა შემოიღეს სამდღიანი ნებართვები, რასაც ვიღებდით, მაგრამ ორი კვირაა გვეუბნებიან, რომ ნებართვების ლიმიტი ამოწურულია და ქართველ მძღოლებზე საერთოდ აღარ გაიცემა. ჩემი საქონელის გადმოტანა მინდა და ვერ ვახერხებ. უნდა დავიქირაო გადამზიდავი და გადმოვიტანო, მაშინ როცა თურქი მძღოლები უპრობლემოდ გადმოდიან და გაცილებით მცირე თანხას იხდიან", -ამბობს აქციის ერთ-ერთი მონაწილე.