ჩრდილოეთ ტაილანდში, დატბორილი გამოქვაბულიდან უკვე 8 მოზარდი ამოიყვანეს. ამის შესახებ გამოცემა „ქჰაო სოტი“ წერს.
სამაშველო ოპერაცია გრძელდება, მასში მყვინთავების საერთაშორისო ჯგუფი და ტაილანდის სპეციალური ძალები მონაწილეობენ.
შეგახსენებთ, რომ ადგილობრივი საფეხბურთო გუნდის 12 მოზარდი მწვრთნელთან ერთად 23 ივნისს გაუჩინარდნენ. ისინი 7-კილომეტრიან გამოქვაბულში შევიდნენ, სადაც მოულოდნელი წყალდიდობის გამო ბლოკირებულები აღმოჩნდნენ. მაშველებმა ისინი მხოლოდ 10 დღის შემდეგ აღმოაჩინეს.