დასაქმების ფორუმი გაიმართა

ვაკის რაიონში დასაქმების ფორუმი გაიმართა, - ამის შესახებ „ინტერპრესნიუსს“ თბილისის საკრებულოდან აცნობეს.

მათივე ინფორმაციით, ფორუმი თბილისის საკრებულოს ვაკის რაიონის მაჟორიტარი დეპუტატების, გიორგი ბირბიჩაძისა და გიორგი მუსხელიშვილის ინიციატივით და ჯანდაცვის სამინისტროს სოციალური მომსახურების სააგენტოს დასაქმების პროგრამების დეპარტამენტის მხარდაჭერით გაიმართა.

ფორუმში მონაწილე 17-მდე კომპანიამ შრომის ბაზარზე არსებული 2000-მდე აქტიური ვაკანსია წარადგინა. ფორუმში შრომის ბაზრის მართვის საინფორმაციო სისტემა www.worknet.gov.ge-ზე რეგისტრირებული სამუშაოს მაძიებლებიც იღებდნენ მონაწილეობას.

როგორც საკრებულოს ვაკის რაიონის მაჟორიტარმა დეპუტატმა გიორგი ბირბიჩაძემ განაცხადა, ფორუმზე დასაქმების მსურველთა ჩართულობის მაღალი მაჩვენებელი დაფიქსირდა.

,,ჯანდაცვის სამინისტროს დასაქმების დეპარტამენტთან ერთად, დღეს გადავწყვიტეთ, ვაკის რაიონში დასაქმების ფორუმი გაგვემართა, სადაც სხვადასხვა მსხვილი კომპანია, 2000-მდე ვაკანსიითაა წარმოდგენილი. ნებისმიერ მსურველს შეუძლია მობრძანდეს, ადგილზე შეავსოს განაცხადი და დასაქმდეს იმ ვაკანსიებზე, რომლებიც შრომის ბაზარზე რეალურად აქტიურია“ - განაცხადა გიორგი ბირბიჩაძემ.

საკრებულოს ვაკის რაიონის მაჟორიტარი დეპუტატის გიორგი მუსხელიშვილის თქმით, დასაქმების ფორუმის მთავარი დანიშნულება მოქალაქეებისთვის ბაზარზე რეალურად არსებული ვაკანსიების შეთავაზებაა.

,,დღეს დასაქმების ფორუმზე საკმაოდ ბევრი ადამიანი მოვიდა. იმედი მაქვს, რომ ისინი წარმოდგენილი ვაკანსიებიდან სასურველი პოზიციის შერჩევას შეძლებენ“, - განაცხადა გიორგი მუსხელიშვილმა.

ანალოგიური ფორუმები უკვე ჩატარდა ჩუღურეთის, ნაძალადევის, ისნის, გლდანის, საბურთალოსა და სამგორის რაიონებში. ღონისძიების ფარგლებში, სამუშაოს მაძიებლები და დამსაქმებლები ერთ სივრცეში, სწრაფად და მარტივად უკავშირდებიან ერთმანეთს, ამავდროულად, მათ მიეწოდებათ ინფორმაცია ყველა იმ პროგრამისა და სერვისის შესახებ, რასაც სოციალური მომსახურების სააგენტო ქვეყნის მასშტაბით ახორციელებს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს