ადვოკატი - რამაზ მარგოშვილის ჩვენების შემდეგ, ახმედ ჩატაევთან კავშირების კუთხით გამოიკვეთა კონკრეტული პირები, რაზეც ახალი გამოძიება უნდა დაიწყოს

ტერორიზმის მხარდაჭერის საქმეზე ბრალდებულ რამაზ მარგოშვილის ადვოკატის ინფორმაციით, მისი დაცვის ქვეშ მყოფის ჩვენება ახალი გამოძიების საფუძველი უნდა გახდეს.

ამასთან, ინგა ბოლოთაურის ინფორმაციით, დაცვის მხარე მიმართავს პარლამენტს, რომ ამ საქმეზე საგამოძიებო კომისია შეიქმნას. ადვოკატი ჩვენების შინაარსზე არ საუბრობს, თუმცა ამბობს, რომ ახმედ ჩატაევთან კავშირების კუთხით გამოიკვეთა კონკრეტული პირები.

"კონრეტულად რა ჩვენება მისცა ჩემი დაცვის ქვეშ მყოფმა, გაუთქმელობის ვალდებულებიდან გამომდინარე ვერ ვისაუბრებ, თუმცა შემიძლია ვთქვა, რომ გამოიკვეთა მნიშვნელოვანი გარემოებები, რაც სასამართლოსთვის ცნობილი არ იყო და საქმეში ამაზე არ იდო ინფორმაცია. მე ვფიქრობ, ის ინფორმაცია, რაც მარგოშვილმა სასამართლოს მიაწოდა, ახალი გამოძიების დაწყების საფუძველია. ჩვენ ასევე მივმართავთ საქართველოს პარლამენტს და ვითხოვთ აღნიშნულ საქმეზე საგამოძიებო კომისიის შექმნას. გამოიკვეთა კონკრეტული პირები, რომლებსაც ჰქონდათ კავშირები გარდაცვლილ ჩატაევთან", - განაცხადა ინგა ბოლოთაურმა.

გარდა ამისა, ადვოკატის თქმით, მარგოშვილის მიერ დასახელებული ერთ-ერთი პირი, რომლის მიმართაც უნდა დაიწყოს ახალი გამოძიება, ტერორიზმის მხარდაჭერის საქმეზე ბრალდებულია, თუმცა აღკვეთის ღონისძიების სახით არასაპატიმრო ღონისძიება აქვს შეფარდებული. მისივე თქმით, ამ პირს რამაზ მარგოშვილის წინააღმდეგ აქვს მიცემული ჩვენება სასამართლოში მოწმის სახით დაკითხვისას.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს