ესპანეთის უზენაესმა სასამართლომ კარლეს პუჩდემონს და ამბოხების ორგანიზებაში ბრალდებულ ხუთ პოლიტიკოსს სახელმწიფო თანამდებობების დაკავება აუკრძალა

ესპანეთის უზენაესი სასამართლოს მოსამართლე პაბლო ლიარენამ, რომელიც კატალონიის დამოუკიდებლობის გამოცხადებასთან დაკავშირებულ საქმეებს იძიებს, ავტონომიის ყოფილ ლიდერ კარლეს პუჩდემონს და ამბოხების ორგანიზებაში ბრალდებულ კიდევ ხუთ პოლიტიკოსს სახელმწიფო თანამდებობების დაკავება აუკრძალა.

ამგვარად, ორიოლ ჟუნკერასი, ჟორდი ტურული, რაულ რომევა, ჟოზეპ რული და ჟორდი სანჩესი, რომლებიც კატალონიის ციხეში, წინასწარ პატიმრობაში იმყოფებიან, ისევე როგორც პუჩდემონი, დეპუტატების მანდატებს ვეღარ შეინარჩუნებენ.

ამასთან, პაბლო ლიარენამ პარლამენტს აღნიშნული პოლიტიკოსების პარტიების სხვა წარმომადგენლებით ჩანაცვლების უფლება მისცა.

შეგახსენებთ, რომ კარლეს პუჩდემონი გერმანიაში იმყოფება, სადაც მისი ექსტრადიციის შესახებ სასამართლოს გადაწყვეტილებას ელოდება.

ლადო პაპავა - საქართველოში სტაბილურად არასტაბილური ვითარება მხოლოდ რუსეთის ინტერესებშია
ქართული პრესის მიმოხილვა 24.02.2020
ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში