გიგი წერეთელი - ეუთო-ს საპარლამენტო ასამბლეის პლენარულ სხდომაზე იქნება წინააღმდეგობა, მაგრამ დარწმუნებული ვარ, საქართველოს მიერ ინიცირებული რეზოლუცია მიღებული იქნება

ეუთო-ს საპარლამენტო ასამბლეის პლენარულ სხდომაზე იქნება წინააღმდეგობა, მაგრამ დარწმუნებული ვარ, რომ საქართველოს მიერ ინიცირებული რეზოლუცია მიღებული იქნება, - ამის შესახებ „ევროპული საქართველოს“ წევრმა, ეუთო-ს საპარლამენტო ასამბლეის პრეზიდენტმა გიგი წერეთლმა განაცხადა.

„კარგი პრეცენდენტია კომიტეტში არსებული მხარდაჭერა, განსაკუთრებით მაშინ, როდესაც გარკვეული ცვლილებების და მოდერნიზების სურვილი იყო დელეგაციების მხრიდან, მაგრამ საქართველოს დელეგაციამ როგორც შეიტანა პროექტი, ისე დაუჭირეს მხარი. დიდი შანსია, რომ პლენარულ სხდომაზე იქნება წინააღმდეგობა, მაგრამ დარწმუნებული ვარ, რომ ეს რეზოლუცია იქნება მიღებული“, - განაცხადა გიგი წერეთელმა.

შეგახსენებთ, რომ ბერლინში მიმდინარე ეუთო-ს საპრლამენტო ასამბლეის ფარგლებში პლენარულ სესიაზე საქართველოს მიერ მომზადებული რეზოლუციის კენჭისყრა იგეგმება.

„ათი წელი აგვისტოს ომის შემდეგ“ - ასე ჰქვია პროექტს, რომლის განხილვა დღეს კომიტეტზე იგეგმება, შემდეგ კი სესიაზე უყრიან კენჭს. რეზოლუციის ტექსტის მიხედვით, ეუთო-ს საპარლამენტო ასამბლეა გმობს ბაშარულის, ოთხოზორიას და ტატუნაშვილის მკვლელობას და მოუწოდებს რუსეთს, ხელი არ შეუშალოს გამოძიებას.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 25.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„რადისონ ქოლექშენ, წინანდლის მამულის" ზამთრის შეთავაზება