ნატო-ში აშშ-ს მოკავშირეები შიშობენ, რომ აშშ-ს პრეზიდენტი დონალდ ტრამპი მათ ზურგს უკან შესაძლოა, ფინეთში რუსეთის პრეზიდენტს ვლადიმერ პუტინს გაურიგდეს, - ამის შესახებ ესპანური გამოცემა El Pais წერს.
„ადრე აშშ-სა და რუსეთის პრეზიდენტების შეხვედრას ყველა იმედიანად უყურებდა, ახლა კი ეს იმედი შიშით შეიცვალა“, - მოჰყავს გამოცემას ნატო-ს ერთ-ერთი თანამშრომლის სიტყვები.
El Pais-ის წყაროების აზრით, ტრამპი არაპროგნოზირებადია და ყველაფერი მის გუნებაზეა დამოკიდებული.
გამოცემის ინფორმაციით, ნატო-ს წევრი ქვეყნების ლიდერები დღევანდელი ვახშმის დროს შეეცდებიან დაარწმუნონ ტრამპი, რომ მან ფინეთში მოკავშირეებთან შეთანხმებული პოზიცია დაიცვას.