ადვოკატმა ბრალდებულ მალხაზ კობაურის პროცესის დახურვა მოითხოვა, თუმცა მოსამართლემ შუამდგომლობა არ დააკმაყოფილა

სმიტების ოჯახის სამი წევრის მკვლელობაში ბრალდებულ მალხაზ კობაურის ადვოკატებმა სასამართლო პროცესის დახურვა მოითხოვეს.

როგორც „ინტერპრესნიუსის“ კორესპონდენტი სხდომიდან იუწყება, ადვოკატმა ალუდა ბუჩუკურმა შესაბამისი შუამდგომლობით სასამართლოს ცოტა ხნის წინ მიმართა. ადვოკატმა საფუძვლად არასრულწლოვანთა მართლმსაჯულების კოდექსი დაასახელა და განმარტა, რომ ბრალდებული 21 წელს მიუღწეველია. ამასთან, ადვოკატმა სხდომის დახურვის მოტივად საქმის რეზონანსულობა და სენსიტიურობაც დაასახელა.

ბრალდების მხარე არ დაეთანხმა აღნიშნულ შუამდგომლობას და აღნიშნა, რომ სასამართლო სხდომის დახურვის საფუძველი არ არსებობს.

საბოლოოდ მოსამართლემ არ დააკმაყოფილა დაცვის მხარის შუამდგომლობა და პროცესი ღია რეჟიმში გრძელდება.

მალხაზ კობაურს ბრალი ოფიციალურად გუშინ წარედგინა. ამ წუთებში კი სასამართლო მისთვის აღკვეთის ღონისძიების შეფარდებაზე მსჯელობს.

კობაურს დამამძიმებელ გარემოებაში ჩადენილ ორი ან მეტი პირის, მათ შორის, დამნაშავისთვის წინასწარი შეცნობით არასრულწლოვნის განზრახ მკვლელობას ედავებიან.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში