ნინო გოგნიაშვილი - მთავარი პროკურორობის კანდიდატად ჩემი შერჩევა განვლილი საქმიანობის გათვალისწინებით მოხდა და არა იმის გამო, რომ ქალი ვარ

მთავარი პროკურორობის კანდიდატად ჩემი შერჩევა განვლილი საქმიანობის გათვალისწინებით მოხდა და არა იმის გამო, რომ ქალი ვარ, - ამის შესახებ მთავარი პროკურორობის ერთ-ერთმა კანდიდატმა ნინო გოგნიაშვილმა საპროკურორო საბჭოზე გასაუბრების შემდეგ ჟურნალისტებთან საუბრისას განაცხადა.

მთავარი პროკურორობის კანდიდატმა მოკლედ მიმოიხილა ის საკითხები, რის შესახებაც საბჭოს წევრებთან ისაუბრა.

„კითხვები იყო ძალიან ბევრი. ფაქტობრივად ყველა წევრმა დასვა კითხვა. ეს კითხვები შეეხებოდა ჩემს ხედვას, თუ როგორ წარმომიდგენია პროკურატურა. არ ვიცი რა გადაწყვეტილებას მიიღებს საპროკურორო საბჭო, თუმცა იმედი მაქვს, რომ გადაწყვეტილება იქნება ობიექტური", - განაცხადა ნინო გოგნიაშვილმა.

მისივე თქმით, მას პროცესის გამჭვირვალობაზე კითხვები არ აქვს.

"არ ვთვლი, რომ ფორმალური პროცესი მიმდინარეობს თუნდაც იმ კითხვებიდან გამომდინარე, რაც მე დამისვეს. ფაქტობრივად 2 საათი ვიყავი საპროკურორო საბჭოზე. ბევრმა პოლიტიკოსმა გააკეთა განცხადება, რომ მე ვავსებდი ადგილს და ქალი კანდიდატი მხოლოდ იმის გამო შეირჩა, რომ გენდერული კვოტა შევსებულიყო. ამ პოზიციას არ ვეთანხმები. მიმაჩნია, რომ მთავარი პროკურორობის კანდიდატი და შემდეგ უკვე მთავარი პროკურორი უნდა იყოს სრულიად აპოლიტიკური. ასევე, უნდა იყოს სამართლიანი. ჩემი განვლილი ცხოვრების მანძილზე ყოველთვის ვიყავი ობიექტური და სამართლიანი, არ მგონია რომ არჩევის შემდეგ ამ პრინციპებს ვუღალატო. ჩემი შერჩევა ამ პრინციპების გათვალისწინებით მოხდა და არა იმის გამო, რომ ქალი ვარ", - განაცხადა ნინო გოგნიაშვილმა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 13.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
ტექნიკის უდიდესი გამოფენა ევროპაში, სახელწოდებით IFA 2019, ბერლინში დასრულდა
პუტინს ცემახი უსათუოდ სჭირდება (R)
ვანო ჩხარტიშვილი - მამუკა ხაზარაძე ურცხვად ტყუის
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს
გალფი ტურისტული ზონების დასუფთავების მასშტაბურ აქციას იწყებს