ხორავას ქუჩაზე მოზარდების მკვლელობის საქმეზე შექმნილი საგამოძიებო კომისიის სხდომა, რომელზეც ექსპერტებს უსმენენ, დაიხურა

ხორავას ქუჩაზე მოზარდების მკვლელობის საქმეზე შექმნილი საგამოძიებო კომისიის სხდომა, რომელზეც ლევან სამხარაულის სახელობის სასამართლო ექსპერტიზის ეროვნული ბიუროს ექსპერტებს უსმენენ, დაიხურა.

სხდომაზე დეპუტატებს უწევდათ კითხვების დასმა მოკლული ლევან დადუნაშვილისა და დავით სარალიძისთვის მიყენებულ ჭრილობებზე, მათ სიღრმეებსა და ფორმებზე, რაც როგორც კომისიის წევრებმა განაცხადეს, საზოგადოებისთვის რთულად მოსასმენია.

კომისიის თავმჯდომარემ, სერგი კაპანაძემ თავდაპირველად საზოგადოებას მოსმენილი ინფორმაციის გამო ბოდიში მოუხადა. მოგვიანებით, უმრავლესობის წევრმა მამუკა მდინარაძემ დააყენა ინიციატივა, რომ სხდომის ნაწილი, სადაც სენსიტიურ საკითხზე იქნება საუბარი, დახურულიყო, რასაც „ევროპული საქართველოს“ წარმომადგენლებიც დაეთანხმდნენ.

კომისიის თავმჯდომარის, სერგი კაპანაძის და კომისიის წევრების გადაწყვეტილებით, ექსპერტების მოსმენა დაიხურა, თუმცა მოსმენის ბოლო 10 წუთი ღია იქნება, სადაც საზოგადოება შემაჯამებელ ინფორმაციას მოისმენს.

დღეს, საგამოძიებო კომისიის სხდომაზე სსიპ ლევან სამხარაულის სახელობის სასამართლო ექსპერტიზის ეროვნული ბიუროს ექსპერტებს გიორგი მაღრაძეს, სოფო ბელქანიას, გიორგი ცინცაძეს და ნინო კვიწინაძეს უსმენენ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ