„ბილაინის“ მომხმარებელს მომსახურების შეფასება მომენტალურად, მარტივი გამოკითხვით შეუძლია. როგორც „ინტერპრესნიუსს“ კომპანია „ბილაინიდან“ აცნობეს, მობილური ოპერატორი „ვიონი საქართველო“ „ბილაინის“ მომხმარებლებს შესაძლებლობას აძლევს, კომპანიის მომსახურების ხარისხი მომენტალურად, მარტივი გამოკითხვით შეაფასოს. „ბილაინის“ მომხმარებელი კომპანიას აწვდის საკუთარ მოსაზრებას ვების, სოციალური მედიის, მობილური აპლიკაციისა და სატელეფონო ცენტრის მეშვეობით. ამიერიდან, ამ ჩამონათვალს დაემატა მოკლე კითხვარი SMS-ის სახით, რაც აბონენტს საშუალებას აძლევს, „ბილაინის“ პროდუქტების პირობები და მათი გამოყენებით მიღებული გამოცდილება, ასევე სატელეფონო ცენტრის მომსახურების ხარისხი შეაფასოს.

„ბილაინის“ მომხმარებელს საკუთარი აზრისა და გამოცდილების დაფიქსირებისთვის შეუძლია გამოიყენოს კომპანიის facebook-ის გვერდი, „ბილაინის მხარდაჭერის პლატფორმა“, სატელეფონო ცენტრი, „პირადი კაბინეტი“ და MyBeeline აპლიკაცია, იმის მიხედვით, რომელი გზა არის აბონენტისთვის უფრო მოსახერხებელი.