გეგმური სარეაბილიტაციო სამუშაოების გამო, „ენერგო-პრო ჯორჯიას“ აბონენტების ნაწილს ხვალ ელექტროენერგიის მიწოდება შეეზღუდება. როგორც „ინტერპრესნიუსს“ კომპანია „ენერგო -პრო ჯორჯიადან“ აცნობეს, 12 ივლისს 09:00-დან 18:00 საათამდე ელექტროენერგიის მიწოდება შეეზღუდება 2483 აბონენტს დუშეთის რაიონის სოფლებში: გუდაური, ქუმლისციხე, ბოდორნა, ჟინვალი, არაგვისპირი და მიმდებარე სოფლებში.
10:30-დან 17:00 საათამდე ელექტროენერგიის მიწოდება შეეზღუდება 666 აბონენტს თიანეთის რაიონის სოფლებში: ტუშურები, იარაჯულები, ჯიჯეთი, ხოფცა და მიმდებარე სოფლებში.
კომპანიის ცნობით, სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.