ზაქარია ქუცნაშვილი - დღეს იმისთვის ვიკრიბებით, რომ პრემიერმა გაგვაცნოს თავისი კაბინეტის წევრები, რომელთა შერჩევა მისი ერთპიროვნული პრეროგატივაა

საპარლამენტო უმრავლესობის წევრი ზაქარია ქუცნაშვილი აცხადებს, რომ მინისტრთა კაბინეტის შემადგენლობის შერჩევა პრემიერის ერთპიროვნული პრეროგატივაა. ქუცნაშვილის თქმით, მასთან ამ საკითხზე კონსულტაციები არ ყოფილა.

"დღეს სწორედ ამისთვის ვიკრიბებით, რომ გაგვაცნოს პრემიერმა თავისი კაბინეტის წევრები. ჩემთან ნამდვილად არ ყოფილა კონსულტაციები და სხვასთან თუ იყო არ ვიცი. პირადად პრემიერის ერთპიროვნული პრეროგატივაა, რომ შეარჩიოს კაბინეტის წევრები", - განაცხადა ქუცნაშვილმა.

კითხვაზე, რატომ იცვლებიან მხოლოდ ეკონომიკური გუნდის მინისტრები და არა ძალოვანები, მით უმეტეს იმ ფონზე, რომ იუსტიციის მინისტრთან ბევრი შეკითხვა იყო, ქუცნაშვილმა აღნიშნა, რომ "არ იქნება პატიოსანი ქცევა, მხოლოდ ერთ ადამიანზე გადავიდეს მთელი პასუხისმგებლობა".

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან