პრემიერი - წლის ბოლომდე სხვადასხვა უწყების ავტოპარკი დაახლოებით 1000 ავტომობილით შემცირდება

წლის ბოლომდე სხვადასხვა უწყებების ავტოპარკი დაახლოებით 1000 ავტომობილით შემცირდება, - ამის შესახებ პრემიერ-მინისტრმა მამუკა ბახტაძემ გუშინ, მთავრობის სხდომის დაწყებამდე გამართულ ბრიფინგზე განაცხადა. როგორც მან აღნიშნა, 1000-მდე მანქანა ფინანსთა სამინისტროს გადაეცემა სარეალიზაციოდ. პრემიერის ინფორმაციით, გაყიდული მანქანებიდან მიღებული თანხებით მოხდება სპეციალური ავტომობილების შეძენა პატრულისთვის, გარემოსდაცვითი ოპერაციებისთვის და ა.შ.

„გარკვეულ სტრუქტურებში, ის ხარჯი, რომელიც ჩვენ გვაქვს სახელმწიფო ავტოპარკის შენახვასთან დაკავშირებით, არის მიუღებელი და ამ კუთხით პრინციპული ნაბიჯებია გადასადგმელი. მთავრობის სტრუქტურების ცვლილების ფარგლებში, წლის ბოლომდე უწყებების ავტოპარკი დაახლოებით 1000 ავტომობილით შემცირდება. აღნიშნული მანქანები გადაეცემა ფინანსთა სამინისტროს რეალიზაციისთვის და მათ მაგივრად მოხდება სპეციალური ავტომანქანების შეძენა პატრულისთვის, გარემოსდაცვითი ოპერაციებისთვის და მსგავსი სპეციალური საჭიროებებისთვის, რათა ჩვენმა ორგანოებმა შეძლონ უკეთესად ფუნქციონირება. ასევე მნიშვნელოვნად შეიზღუდება იმ პირთა წრე, ვისაც აქვს პერსონალური ავტომობილით სარგებლობის უფლება. დაახლოებით 500 ე.წ. მიკუთვნებული მანქანა გადაინაცვლებს სამორიგეო პარკში“, - განაცხადა მამუკა ბახტაძემ.

პრემიერის თქმით, ეს ნაბიჯები პირველია იმ იდეის გარშემო, რაც ერთიანი პარკის და მისი მენეჯმენტის შექმნას გულისხმობს.

„ჩვენ აუცილებლად მოვაყოლებთ სხვა ინიციატივებს ამ საკითხთან დაკავშირებით, რომელიც გულისხმობს ერთიანი პარკის და მისი მენეჯმენტის შექმნის იდეას, რომელიც უფრო მეტ ოპტიმიზაციას გააკეთებს და საშუალებას მოგვცემს, რომ ამ მიმართულებით კიდევ უფრო დავზოგოთ ხარჯები“, - განაცხადა პრემიერ-მინისტრმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს