ანრი ოხანაშვილი - საჭიროა, მოწმეებმა უფრო მეტად ითანამშრომლონ საგამოძიებო კომისიასთან და საგამოძიებო უწყებებთან

საჭიროა, უფრო მეტად ითანამშრომლონ მოწმეებმა როგორც კომისიასთან, ასევე საგამოძიებო უწყებებთან, - ამის შესახებ ხორავას ქუჩაზე მოზარდების მკვლელობის საქმეზე შექმნილი საგამოძიებო კომისიის წევრმა, „ქართული ოცნების“ დეპუტატმა ანრი ოხანაშვილმა ჟურნალისტებს განუცხადა.

დღეს კომისიის წევრებმა ფსიქოლოგების თანდასწრებით ის არასრულწლოვნები გამოკითხეს, რომლებიც შემთხვევის დროს ადგილზე იმყოფებოდნენ.

"დღეს ჩვენ მოწმეთა გამოკითხვები გავაგრძელეთ. გამოვკითხეთ ორი მოწმე, რომლებიც ამ ინციდენტში გარკვეულ მონაწილეობას იღებდნენ. თუმცა, ისევე როგორც დღემდე, რაიმე განსაკუთრებული სიახლე ან დეტალი არ უთქვამთ. ჩვენ თავიდანვე ვაცხადებდით, რომ პრობლემაა ჩვენებებთან დაკავშირებით. საჭიროა უფრო მეტად ითანამშრომლონ მოწმეებმა.

ჩვენი მიზანია მივიღოთ მეტი ინფორმაცია, ვიდრე აქამდე შეიძლება ყოფილიყო. მოწმეები ყვებიან ფაქტებზე, თუმცა ვერ იხსენებენ დეტალებს და გარკვეულწილად იმ ჩვენებებს უბრუნდებიან, რომელიც მიცემული აქვთ.

დასაკითხ პირებს შორის დღეს დაკითხული პირები ფარდულში არ ყოფილან, თუმცა პერიმეტრზე ფიქსირდებიან", - განაცხადა ანრი ოხანაშვილმა.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში