არჩილ მესტვირიშვილი - ფიზიკური პირი თანაბრად დაცული უნდა იყოს ყველგან, სადაც სესხს აიღებს

საქართველოს ეროვნული ბანკის ვიცე-პრეზიდენტი არჩილ მესტვირიშვილი მიიჩნევს, რომ ჭარბვალიანობა ამ ეტაპზე ფინანსური სტაბილურობის პრობლემას არ წარმოადგენს, თუმცა, დაკრედიტების ზრდის მაღალი მაჩვენებელი არსებული მდგომარეობის პრობლემად გადაქცევის რისკს წარმოქმნიდა.

მესტვირიშვილის აზრით, მნიშვნელოვანია, გადაიდგას ის ნაბიჯები, რომლებიც არა მხოლოდ პრევენციული ხასიათის იქნება, არამედ, რაღაც კუთხით, უკვე არსებულ პრობლემებსაც მოაგვარებს.

“ჩვენ ამ საკითხზე მუშაობა მთავრობასთან ერთად, აქტიურად დავიწყეთ. ახლა პარლამენტში წარმოდგენილი საკანონმდებლო პაკეტი ჭარბვალიანობისგან თავის არიდების ერთ-ერთი მნიშვნელოვანი ნაბიჯია. დღესდღეობით ონლაინსესხების და სწრაფი დაკრედიტების კუთხით არსებული მდგომარეობა მნიშვნელოვნადაა შეცვლილი, თუმცა ეს საკმარისი არ არის და ასეთი ნაბიჯები გაგრძელდება, რათა საფინანსო სექტორის მომხმარებელთა უფლებები უკეთ დავიცვათ”, - განაცხადა საქართველოს ეროვნული ბანკის ვიცე-პრეზიდენტმა.

როგორც „ინტერპრესნიუსს“ საქართველოს ეროვნული ბანკიდან აცნობეს, არჩილ მესტვირიშვილმა იმ ფიზიკურ პირებზეც ისაუბრა, რომლებიც ფინანსურ საქმიანობას ეწევიან და აღნიშნა, რომ ის, ვინც სესხს პროფესიულ დონეზე გასცემს, უნდა დარეგისტრირდეს ეროვნულ ბანკში, როგორც სესხის გამცემი ორგანიზიაცია. შესაბამისად, მან უნდა დააკმაყოფილოს მომხმარებელთა უფლებების დაცვის ის პირობები, რომლებიც ამჟამად ბანკებს, მიკროსაფინანსოებსა და სესხის გამცემ სხვა ორგანიზაციებს მოეთხოვებათ.

“ჩვენი მიზანია, ერთნაირად მივუდგეთ ყველა სესხის გამცემს, რათა ფიზიკური პირი თანაბრად დაცული იყოს ყველგან, სადაც სესხს აიღებს“, - განაცხადა მესტვირიშვილმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 20.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს
BDO-მ მე-4 კატეგორიის კომპანიების მომსახურებისთვის სპეციალური გუნდი გამოყო
რა მავნე ნივთიერებები აღმოაჩინა ჰამბურგის ლაბორატორიამ საქართველოდან გაგზავნილი თუთუნის შემადგენლობაში