გივი მიქანაძე პოლონეთის რესპუბლიკის სეიმის კანცელარიის უფროსს შეხვდა

ვარშავაში, ცენტრალურ და აღმოსავლეთ ევროპის პარლამენტების სპიკერების რიგით მესამე სამიტის ფარგლებში, საქართველოს პარლამენტის აპარატის უფროსმა გივი მიქანაძემ პოლონეთის რესპუბლიკის სეიმის კანცელარიის უფროსთან, აგნიეშკა კაჩმარსკასთან ორმხრივი შეხვედრა გამართა, - ამის შესახებ “ინტერპრესნიუსს“ პარლამენტის პრესსამსახურმა აცნობა.

მათი ინფორმაციით, შეხვედრის დროს მხარეებმა საქართველოს პარლამენტის აპარატსა და პოლონეთის რესპუბლიკის სეიმის კანცელარიას შორის ორმხრივი თანამშრომლობის შესახებ შეთანხმებას ხელი მოეწერეს.

გივი მიქანაძემ კოლეგას პოლონური პარლამენტარიზმის 550 წლისთავი მიულოცა და აღნიშნა, რომ პოლონეთი საქართველოს არა მარტო სტრატეგიული პარტნიორი, არამედ მეგობარი ქვეყანაცაა.

„პოლონეთს ევროპულ კანონმდებლობაზე ჰარმონიზაციის კუთხით დიდი გამოცდილება აქვს და ამ მიმართულებით თანამშრომლობის გაზიარება არსებითად მნიშვნელოვანია საქართველოს პარლამენტისთვის, განსაკუთრებით მაშინ, როდესაც ახალი კონსტიტუციის მიხედვით ქვეყანაში პარლამენტის როლი მნიშვნელოვნად იზრდება”, - განაცხადა საქართველოს პარლამენტის აპარატის უფროსმა.

პარლამენტის პრესსამსახურის ცნობით, გაცვლითი სასწავლო ვიზიტები მიმდინარე წლის ბოლომდე გაიმართება. შეხვედრაზე შეთანხმდნენ, რომ ზემოაღნიშნულ პროგრამაში ჩართულნი იქნებიან აჭარის ავტონომიური რესპუბლიკის უმაღლესი საბჭოს აპარატის თანამშრომლებიც.

ვიტალი ბალა - დარწმუნებული ვარ, რომ პუტინთან შეხვედრის შემდეგ ზელენსკი რუსეთის პრეზიდენტთან მიმართებაში ვარდისფერ სათვალეებს მოიხსნის
ქართული პრესის მიმოხილვა 10.12.2019
ბექა ინჯია - მაქსიმუმი უნდა გაკეთდეს იმისთვის, რომ არბიტრაჟისა და მედიაციის ინტიტუტების სტანდარტები საქართველოში მსხვილ ინვესტორთა მოთხოვნებს პასუხობდეს
"ორიონ ჯგუფმა" ვირტუალური ფული შექმნა - სიახლე სამშენებლო სექტორში
პროკრედიტ ბანკსა და არასამთავრობო ორგანიზაცია CENN-ს შორის თანამშრომლობის მემორანდუმი გაფორმდა
ახალი ეტაპი „ემბავუდის“ განვითარებაში