ამერიკული დელეგაცია, რომლის შემადგენლობაშიც სახელმწიფო დეპარტამენტის, იუსტიციისა და შინაგან საქმეთა სამინისტროების წარმომადგენლები შედიან, პარასკევს ანკარაში თურქულ მხარესთან ოპოზიციონერი მქადაგებლის, ფეთჰულაჰ გიულენის ექსტრადირებაზე იმსჯელებს, - ამის შესახებ თურქეთის საგარეო საქმეთა სამინისტროს პრესმდივანმა ჰამი აქსოიმ განაცხადა.
„ტექნიკურ დონეზე ჩვენ აშშ-თურქეთის ორმხრივი ურთიერთობების სხვადასხვა ასპექტებზე რეგულარულად ვმსჯელობთ. ამასთან დაკავშირებით 13 ივლისს ანკარაში ჩვენ ფეთჰულაჰ გიულენის ტერორისტულ ორგანიზაციასთან ბრძოლის საკითხზე, პირველ რიგში კი - ფეთჰულაჰ გიულენის გადმოცემაზე ვიმსჯელებთ. განიხილება სხვა საკითხებიც“, - აღნიშნა აქსოიმ.
როგორც ცნობილია, 2016 წლის 16 ივლისის ღამეს მეამბოხეთა ჯგუფმა თურქეთში სახელმწიფო გადატრიალების მოწყობა სცადა. ძირითადი დაპირისპირება ანკარასა და სტამბოლში მიმდინარეობდა. დაიღუპა 240-ზე მეტი და დაიჭრა 2 000-ზე მეტი ადამიანი. ხელისუფლებამ ამბოხება ჩაახშო. ოფიციალურმა ანკარამ სახელმწიფო გადატრიალების მოწყობაში ოპოზიციონერი მქადაგებელი ფეთჰულაჰ გიულენი დაადანაშაულა. აშშ-ში მცხოვრებმა გიულენმა კი გადატრიალების მცდელობა დაგმო და ყველა ბრალდება უარყო.