„მწვანე ქალაქი ლისზე“ დღეს რეზო გელაშვილის სახელობის ქალაქური სიმღერების ფესტივალს უმასპინძლებს. როგორც „ინტერპრესნიუსს“ „თიბისი ბანკიდან“ აცნობეს, ღონისძიება „თიბისი ბანკის“ მხარდაჭერით იმართება და მასში მონაწილეობას მიიღებენ ანსამბლები: „შვიდკაცა“, „ოთხი გია“, „მუხამბაზი“, „ჰანგები“, „რონი“, „ცისფერი ტრიო“, „ბალადა“, ნუგზარ კვაშალის ტრიო და „ნონაკორდი“. მათი ინფორმაციით, ღონისძიებას მომღერლის მეგობრები, საზოგადო მოღვაწეები და ქალაქური სიმღერების მოყვარულები დაესწრებიან.
„რეზო გელაშვილის სახელობის ქალაქური სიმღერების ფესტივალი მესამე წელია ტარდება. თარიღი საგანგებოდ შეირჩა და ის რეზო გელაშვილის დაბადების დღეს ეძღვნება. მომღერალს 13 ივლისს 65 წელი შეუსრულდებოდა,“ - ნათქვამია ინფორმაციაში.