აშშ-ის პრეზიდენტი ვიზიტით დიდ ბრიტანეთში ჩავიდა. მისი განცხადებით, წინააღმდეგი არ არის იმ პროტესტისა, რომელიც ინგლისში მისი ვიზიტის დროს იგეგმება. ამის შესახებ „ბი-ბი-სი“ იუწყება.

აეროპორტში დაშვების შემდეგ დონალდ და მელანია ტრამპები დიდ ბრიტანეთში ამერიკის ელჩის რეზიდენციაში გაემგზავრნენ. ბრიტანეთში ორდღიანი ვიზიტის ფარგლებში, დაგეგმილია პრემიერმინისტრ ტერეზა მეისთან შეხვედრა. ამერიკის პრეზიდენტი დედოფალ ელისაბედ მეორესაც შეხვედება.

დონალდ ტრამპის ვიზიტის ფარგლებში ლონდონში გაძლიერებულია უსაფრთხოების ზომები, რადგან მთელი რიგი საპროტესტო გამოსვლებია მოსალოდნელი. თავად ამერიკის პრეზიდენტმა კი განაცხადა, რომ ბრიტანელებს ის ძალიან უყვართ.

„ვფიქრობ, ბრიტანეთში ძალიან ვუყვარავარ; მიმაჩნია, რომ იქ იზიარებენ ჩემს პოზიციას იმიგრაციასთან დაკავშირებით. თქვენ ხედავთ, რა ხდება მთელი მსოფლიოდან იმიგრაციის გამო... მგონია, რომ ეს „ბრექსითის“ ერთ-ერთი მიზეზია“, - განაცხადა ამერიკის პრეზიდენტმა.