ლევან დავითაშვილი - პროგრამებში აქცენტები გაკეთდება მწვანე ეკონომიკაზე და ინკლუზიურობაზე

გარემოს დაცვის და სოფლის მეურნეობის მინისტრობის კანდიდატის, ლევან დავითაშვილის განცხადებით, პროგრამებში აქცენტები იქნება მწვანე ეკონომიკაზე და ინკლუზიურობაზე.

მისივე თქმით, გარემოს დაცვის და სოფლის მეურნეობის განვითარების მიმართულებით კომპლექსური პროგრამა არსებობს, რომელიც უკვე გაწერილია.

"ჩვენ გვაქვს ძალიან მნიშვნელოვანი კომპლექსური პროგრამა, რომელიც უკავშირდება გარემოს დაცვის და სოფლის მეურნეობის განვითარების მიმართულებებს. ეს ძირითადი მიმართულებები განსაზღვრულია ორ მნიშვნელოვან დოკუმენტში, რომლებიც პარლამენტმა დაამტკიცა. აქცენტები კეთდება ასევე სწრაფ ზრდაზე, რაც იქნება ინკლუზიური ზრდა. ჩვენს პროგრამებში აქცენტები გვექნება მწვანე ეკონომიკაზე და ინკლუზიურობაზე", - განაცხადა დავითაშვილმა.

ლევან დავითაშვილი ასევე გამოეხმაურა ეკონომიკისა და მდგრადი განვითარების მინისტრობის კანდიდატის განცხადებას, რომელმაც აღნიშნა, რომ აუცილებელია აგრარულ სექტორში ინვესტიციების მოზიდვა.

"ჩვენი პოზიციები აქ ემთხვევა. დღეისთვის სოფლად მეტი მოსახლეობა გვყავს დასაქმებული, ვიდრე განვითარებულ ქვეყნებშია. ჩვენ სოფლის მეურნეობაში დასაქმებულთა წილი შეგვიმცირდება, თუმცა ეს მოგვცემს საშუალებას, რომ ამ დარგში მეტი ეფექტიანობა გვქონდეს და განვითარება იყოს უფრო სწრაფი", - აღნიშნა მინისტრობის კანდიდატმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს